உத்தனப்பள்ளி அருகேநிலத்தகராறில் இருதரப்பினர் மோதல்; விவசாயி கைது3 பேர் மீது வழக்கு

ராயக்கோட்டை:

உத்தனப்பள்ளி அருகே அகரம் அடுத்த கெம்பேப்பள்ளி கிராமத்தை சேர்ந்தவர் பிரியங்கா (வயது 19). அதே பகுதியை சேர்ந்தவர் மஞ்சுநாத் (37). விவசாயி. உறவினர்களான இவர்களுக்குள் நிலப்பிரச்சினை இருந்து வந்தது. கடந்த 13-ந் தேதி காலை பிரியங்கா, அவருடைய தாய் சுனந்தா ஆகியோர் பிரச்சினைக்குரிய நிலத்தில் இருந்தனர். அப்போது அங்கு வந்த மஞ்சுநாத் தரப்பினருக்கும், பிரியங்கா தரப்பிற்கும் இடையே பிரச்சினை ஏற்பட்டு மோதலாக மாறியது. இதில் சுனந்தா காயமடைந்தார்.

இதுதொடர்பாக பிரியங்கா கொடுத்த புகாரின்பேரில் உத்தனப்பள்ளி போலீசார் வழக்குப்பதிவு செய்து மஞ்சுநாத்தை கைது செய்தனர். மஞ்சுநாத்தின் மனைவி மஞ்சுளா என்பவர் மீது வழக்குப்பதிவு செய்துள்ளனர். இதேபோல் மஞ்சுளா கொடுத்த புகாரில் தான் தாக்கப்பட்டதாக கூறியுள்ளார். அதன்பேரில் சுனந்தா, பிரியங்கா ஆகிய 2 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.