பசுமையாளர் விருதுக்கு விண்ணப்பிக்கலாம்

தேனி மாவட்ட கலெக்டர் முரளிதரன் வெளியிட்டுள்ள செய்திக்குறிப்பில் கூறப்பட்டுள்ளதாவது:-

சுற்றுச்சூழல் காலநிலை மாற்றம் மற்றும் வனத்துறை சுற்றுச்சூழல் பாதுகாப்பு குறித்து விழிப்புணர்வு ஏற்படுத்தும் வகையில், 2022-ம் ஆண்டு சுற்றுச்சூழல் கல்வி மற்றும் பயிற்சி, விழிப்புணர்வு, பசுமை தயாரிப்பு, திட கல்வி மேலாண்மை உள்ளிட்ட 12 செயல்களில் தங்களை அர்ப்பணித்த 100 பேருக்கு தழிழ்நாடு பசுமையாளர் விருது மற்றும் தலா ரூ.1 லட்சம் வழங்கப்பட உள்ளது. இந்த விருது தமிழ்நாடு மாசு கட்டுப்பாட்டு வாரியம் சார்பில் கலெக்டர் தலைமையில் அமைக்கப்பட்ட குழுவின் மூலம் வழங்கப்பட உள்ளது.

இதற்கான விண்ணப்ப படிவங்களை தமிழ்நாடு மாசு கட்டுப்பாட்டு வாரிய இணையதள முகவரியில் பதிவிறக்கம் செய்து கொள்ளலாம். விண்ணப்பிக்க வருகிற ஏப்ரல் மாதம் 15-ந்தேதி கடைசி நாளாகும். மேலும் தகவலுக்கு தேனி மாவட்ட சுற்றுச்சூழல் பொறியாளரை அணுகி பயனடையலாம்.

இவ்வாறு அதில் கூறப்பட்டுள்ளது.