விவசாயியிடம் ரூ.1½ லட்சம் திருடிய வழக்கில் மேலும் ஒருவர் கைது

புதுக்கோட்டை மாவட்டம், அன்னவாசல் அருகே பரம்பூர் பணம்பட்டியை சேர்ந்தவர் ராஜேந்திரன் (வயது 52), விவசாயி. இவர் கடந்த மாதம் பரம்பூரில் உள்ள ஒரு வங்கியில் நகையை அடகு வைத்தும், தனது வங்கி கணக்கில் இருந்தும் ரூ.1 லட்சத்து 58 ஆயிரத்தை எடுத்தார். பின்னர் தான் எடுத்த பணத்தை ஒரு பையில் வைத்து கொண்டு வெளிேய வந்தார். பின்னர் பையை மோட்டார் சைக்கிளில் தொங்க விட்டு இருந்தார். இதனை மர்ம ஆசாமிகள் திருடி சென்றனர். இந்த சம்பவம் குறித்து அன்னவாசல் போலீசார் வழக்குப்பதிவு செய்து விசாரணை நடத்தினர். பின்னர் இந்த சம்பவம் தொடர்பாக திருச்சி திருவெறும்பூர் காந்திநகரை சேர்ந்த கோபி (45) என்பவரை போலீசார் கைது செய்னர். மேலும், இந்த வழக்கில் தொடர்புடைய அதே பகுதியை சேர்ந்த முத்து (45) என்பவரை நேற்று போலீசார் கைது செய்தனர். பின்னர் அவரிடம் இருந்து ரூ.1½ லட்சம் பறிமுதல் செய்யப்பட்டது.