ஆதிதிராவிட மாணவர்களுக்கு அனிமேஷன் பயிற்சி

திருப்பூர்,

தமிழ்நாடு ஆதிதிராவிடர் வீட்டுவசதி மற்றும் மேம்பாட்டு கழகம் (தாட்கோ) மூலமாக பிளஸ்-2 மற்றும் பட்டப்படிப்பு முடித்த ஆதிதிராவிடர் மற்றும் பழங்குடியினர் இனத்தை சேர்ந்த மாணவர்களுக்கு வேலைவாய்ப்புடன் கூடிய தகவல் தொழில்நுட்பம் சார்ந்த அனிமேஷன் மற்றும் டேலி போன்ற பயிற்சிகள் வழங்கப்பட உள்ளது.

இந்த பயிற்சியை பெற பிளஸ்-2 மற்றும் ஏதேனும் ஒரு பட்டப்படிப்பு முடித்த ஆதிதிராவிடர் மற்றும் பழங்குடியினர் இனத்தை சேர்ந்தவர்கள் விண்ணப்பிக்கலாம். பயற்சியை வெற்றிகரமாக முடிப்பவர்களுக்கு ஆரம்பகால மாத ஊதியமாக ரூ.15 ஆயிரம் முதல் ரூ.25 ஆயிரம் வரை பெறலாம். திறமையின் அடிப்படையில் பதவி உயர்வு, ஊதிய உயர்வு கிடைக்கும்.

இந்த பயிற்சியை பெற www.tahdco.com என்ற இணையதளத்தில் விண்ணப்பிக்கலாம். மேலும் விவரங்களுக்கு திருப்பூர் கலெக்டர் அலுவலகத்தில் உள்ள தாட்கோ, மாவட்ட மேலாளர் அலுவலகத்தை 0421 2971112 என்ற தொலைபேசி எண்ணில் தொடர்பு கொள்ளலாம்.

இந்த தகவலை திருப்பூர் மாவட்ட கலெக்டர் கிறிஸ்துராஜ் தெரிவித்துள்ளார்.

----