மதுபாட்டில்கள் விற்ற முதியவர் கைது

அரியலூர் மாவட்டம் உடையார்பாளையம் பகுதியில் சட்டவிரோதமாக மது விற்பதாக பல்வேறு புகார் வந்தது. அதன்பேரில் சப்-இன்ஸ்பெக்டர் திருவேங்கடம் தலைமையிலான போலீசார் அப்பகுதியில் ரோந்து பணியில் ஈடுபட்டனர். அப்போது உடையார்பாளையம் எல்லைக்கல் தெருவை சேர்ந்த சாமிநாதன் (வயது 74) என்பவர் வீட்டை சோதனை செய்தபோது மது பாட்டில்களை பதுக்கி வைத்து விற்றது தெரிய வந்தது. இதையடுத்து சாமிநாதனை போலீசார் கைது செய்தனர். மேலும் விற்பனைக்காக வைத்திருந்த மதுபாட்டில்களும் பறிமுதல் செய்யப்பட்டன.