காவிரி ஆற்றங்கரை பள்ளத்தில் தவறி விழுந்து முதியவர் பலி

முதியவர் பலி

வேலூர் மாவட்டம், சின்ன வெண்ணமலை சன்னதி தெருவை சேர்ந்தவர் கோவிந்தன் (வயது 72). இவர் தமிழகத்தில் உள்ள பல்வேறு சிவன் கோவில்களுக்கு சென்று வந்துள்ளார்.

அதன்படி கரூர் மாவட்டத்தில் உள்ள சிவன் கோவில்களுக்கும் சாமி கும்பிட கோவிந்தன் வந்துள்ளார். இதற்கிடையில் நேற்று லாலாபேட்டையில் உள்ள காவிரி ஆற்றில் இறங்கி கோவிந்தன் குளித்தார். பின்னர் வெளியே செல்வதற்காக காவிரி ஆற்றின் கரையில் ஏறினார். அப்போது கால் தவறி கரையோரத்தில் இருந்த பள்ளத்தில் விழுந்து சம்பவ இடத்திலேயே பரிதாபமாக இறந்தார்.

போலீசார் விசாரணை

இதுகுறித்து தகவல் அறிந்த லாலாபேட்டை போலீசார் மற்றும் கிராம நிர்வாக பிரபு ஆகியோர் சம்பவ இடத்திற்கு வந்து விசாரணை நடத்தினர். பின்னர் கோவிந்தன் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர்.

இந்த சம்பவம் குறித்து லாலாபேட்டை போலீசார் வழக்குப்பதிந்து விசாரணை நடத்தி வருகின்றனர்.