தீயில் கருகி முதியவர் பலி

பர்கூர்:-

பர்கூர் அருகே சிகரலப்பள்ளி ஜீவன்வட்டத்தை சேர்ந்தவர் கோவிந்தன் (வயது 60). இவர், உடல்நலம் பாதிக்கப்பட்டு இருந்துள்ளார். சம்பவத்தன்று மாலை வீட்டில் சிகரெட் புகைத்துள்ளார். மீதமுள்ள சிகரெட்டை படுக்கை அருகில் அணைக்காமல் போட்டதாக தெரிகிறது. சிகரெட்டில் இருந்த தீ அவரது படுக்கையில் பற்றி எரிந்தது. இதில் கோவிந்தனின் உடலிலும் தீப்பற்றி எரிந்தது. அவரது அலறல் சத்தம் கேட்டு அக்கம் பக்கத்தில் உள்ளவர்கள் ஓடி வந்தனர். கோவிந்தனை மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் கோவிந்தன் பரிதாபமாக இறந்தார். இதுகுறித்து பர்கூர் போலீசார் வழக்குப்பதிவு செய்து விசாரணை நடத்தினர்.