தனியார் தொழிற்சாலையில் கால்வாயில் பிணமாக கிடந்த ஊழியர்

தனியார் தொழிற்சாலை ஊழியர்

ராணிப்பேட்டை மாவட்டம் சோளிங்கரை அடுத்த கிருஷ்ணாபுரம் கிராமத்தை சேர்ந்தவர் கிருஷ்ணமூர்த்தி (வயது 55). அதேப்பகுதியில் உள்ள தனியார் தொழிற்சாலையில் பணிபுரிந்து வந்தார். இந்த நிலையில் நேற்று முன்தினம் வேலைக்கு சென்ற அவர் இரவு சாப்பிட சென்றார். பின்னர் அவர் வேலைக்கு வரவில்லை.

உடனே அவரை தேடி பார்த்தனர். அவரை காணாததால் இதுகுறித்து அவரது வீட்டுக்கு தகவல் கொடுத்தனர். அப்போது அவர் வீட்டிற்கும் வரவில்லை என்று தெரிவித்தனர்.

கால்வாயில் பிணமாக கிடந்தார்

இந்த நிலையில் நேற்று காலை மறுபடியும் அவரை தேடிய போது கம்பெனியில் புதர்கள் நிறைந்த கால்வாயில் இறந்து கிடந்தது தெரியவந்தது. உடனடியாக இதுகுறித்து போலீசாருக்கு தகவல் கொடுக்கப்பட்டது. அதன்பேரில் சோளிங்கர் போலீசார் சம்பவ இடத்திற்கு சென்று பிணத்தை கைப்பற்றி பிேரத பரிசோதனைக்காக சோளிங்கர் அரசு மருத்துவமனைக்கு அனுப்பி வைத்தனர்.

அவருடைய சாவில் சந்தேகம் இருப்பதாக கூறி அவரது உறவினர்கள் போராட்டத்தில் ஈடுபட்டனர். அதற்கு உரிய விசாரணை நடத்தி நடவடிக்கை எடுக்கப்படும் என போலீசார் தெரிவித்தனர். அதை தொடர்ந்து அவர்கள் கலைந்து சென்றனர்.