பெற்றோர் செல்போன் தர மறுத்ததால் வேதனை: பிளஸ்-2 மாணவி தற்கொலை

திருமங்கலம்,

திருமங்கலம் குதிரைசாரிகுளத்தை சேர்ந்தவர் தில்லையப்பன். இவரது மகள் முத்துபிரியா (வயது 18). திருமங்கலத்தில் உள்ள அரசுபெண்கள் மேல்நிலைப்பள்ளியில் பிளஸ்-2 படித்து வந்தார். செல்போன் வைத்திருந்தார். மாணவி அடிக்கடி செல்போனை பயன்படுத்தி வந்ததால் படிப்பில் நாட்டம் குறைந்துள்ளது. இதனால் பெற்றோர் கண்டித்து அவரிடமிருந்து செல்போனை வாங்கி வைத்து கொண்டனர். செல்போன் கேட்டு கடந்த 2 நாட்களாக மாணவி முத்துபிரியா வீட்டில் சண்டையிட்டு கோபித்து கொண்டு சாப்பிட மறுத்துள்ளார். பெற்றோர் தரமறுத்ததால் மனவிரக்தியடைந்த மாணவி நேற்று இரவு வீட்டில் தூக்குப்போட்டு தற்கொலை செய்து கொண்டார். திருமங்கலம் டவுன் போலீசார் உடலை மீட்டு அரசுமருத்துவமனைக்கு அனுப்பிவைத்து விசாரணை நடத்தி வருகின்றனர்.