கம்பத்தில் பரபரப்பு: திருடிய ஆட்டோவில் டீசல் நிரப்பிய மர்ம நபர்

கம்பம் தாத்தப்பன் குளத்தை சேர்ந்தவர் அப்பாஸ் மந்திரி. நேற்று  இவர், தனது வீட்டு முன்பு நிறுத்தியிருந்த ஆட்டோ திருடுபோனது. இதுகுறித்து அவர் கம்பம் வடக்கு போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து ஆட்டோவை திருடிய மர்ம நபரை தேடி வந்தனர். மேலும் அப்பாஸ் மந்திரி, இதுகுறித்து தனது நண்பர்களிடமும் தெரிவித்தார்.

இதையடுத்து அவர்கள் அந்த பகுதியில் பொருத்தப்பட்டிருந்த கண்காணிப்பு கேமராக்களில் பதிவான காட்சிகளை ஆய்வு செய்தனர். அதன்படி சின்னமனூரில் உள்ள பெட்ரோல் விற்பனை நிலையத்தில் பொருத்தியிருந்த கண்காணிப்பு கேமராவை ஆய்வு செய்யப்பட்டது. அதில், திருடுபோன ஆட்டோவில் மர்மநபர் ஒருவர் டீசல் நிரப்பும் காட்சி பதிவாகி இருந்தது. இந்த வீடியோ வாட்ஸ்-அப் உள்ளிட்ட சமூக வலைத்தளங்களில் வைரலாக பரவியதால் பரபரப்பு ஏற்பட்டது.