போலீசில் சிக்கியவுடன் தன் மனைவியும் மது விற்பதாக கூறியவரால் பரபரப்பு

சிவகாசி, 

சிவகாசி உட்கோட்டத்தில் கிராமங்களில் திருட்டுத்தனமாக மது விற்பவர்களை பிடிக்க போலீஸ் தனிப்படை அமைக்கப்பட்டுள்ளது. நேற்று காலை இந்த தனிப்படை போலீசார், மாரனேரி அருகில் உள்ள ஆத்தூர் சுப்பிரமணியாபுரம் பகுதியில் ரோந்து பணியில் ஈடுபட்டனர். அப்போது அந்த வழியாக இருசக்கர வாகனத்தில் வந்த முதியவரின் நடவடிக்கையில் சந்தேகம் அடைந்தனர். அவரிடம் விசாரணை நடத்தியதில் அவர் ஆத்தூர் சுப்பிரமணியாபுரத்தை சேர்ந்த கருப்பசாமி (வயது 65) என்பதும், அவர் மதுபாட்டில்களை இருசக்கர வாகனத்தில் பதுக்கி விற்பனை செய்ததும் தெரியவந்தது. மேலும் அவரிடம் நடத்திய விசாரணையில் அவரது மனைவி பாக்கியவதி (60) என்பவர் வீட்டில் மதுபாட்டில்களை பதுக்கி வைத்து விற்பனை செய்தது தெரியவந்தது. இதையடுத்து அவர்கள் 2 பேரையும் கைது செய்த போலீசார் அவர்களிடம் இருந்து 50 மதுபாட்டில்களை பறிமுதல் செய்தனர்.