முதுநிலை பாடங்களுக்கான மாணவர் சேர்க்கை

காரைக்குடி,

காரைக்குடி அழகப்பா அரசு கலைக்கல்லூரி முதல்வர் பெத்தாலட்சுமி வெளியிட்டுள்ள அறிக்கையில் கூறியுள்ளதாவது:- அழகப்பா அரசு கலைக் கல்லூரியில் 2022-23-ம் கல்வியாண்டிற்கான முதுநிலை பாடங்களுக்கான மாணவர் சேர்க்கை வருகிற 26 மற்றும் 27-ந் தேதிகளில் 2 நாட்கள் நடைபெறுகிறது. இதில் முதுகலை படிப்புகளான எம்.ஏ. தமிழ், ஆங்கிலம், வரலாறு, பொருளியல், எம்.காம், மற்றும் முதுநிலை அறிவியல் படிப்புகளான எம்.எஸ்சி. கணிதம், இயற்பியல், வேதியியல், விலங்கியல், தாவரவியல், புவி அமைப்பியல், கணினி அறிவியல் போன்ற பாடங்களுக்கான மாணவர் சேர்க்கைக்கான கலந்தாய்வு வரும் 26-ந் தேதி காலை 10 மணிக்கும், சிறப்பு பிரிவினருக்கும், 27-ந்தேதி காலை 10 மணிக்கு பொதுப் பிரிவினருக்கும் கல்லூரியில் அந்தந்த துறைகளில் நடைபெற இருப்பதால் விண்ணப்பித்த மாணவர்கள் இணைய வழியில் விண்ணப்பித்த தங்களது விண்ணப்ப படிவம் மற்றும் அனைத்து அசல் சான்றிதழ்களுடன் நேரில் கலந்து கொள்ள வேண்டும். இவ்வாறு அதில் கூறப்பட்டுள்ளது.