மோட்டார்சைக்கிளில் சென்றவர் சாவு

தொண்டி, 

ராமநாதபுரம் குட் செட் காலனி காந்தி நகர் பகுதியை சேர்ந்தவர் கணேசன்(வயது 45). சம்பவ தினத்தன்று அவர் ராமநாதபுரத்தில் இருந்து திருவாடானை நோக்கி மோட்டார் சைக்கிளில் சென்றார். திருச்சி-ராமேசுவரம் தேசிய நெடுஞ்சாலையில் கற்காத்தக்குடி கிராமத்தின் அருகே சென்றபோது எதிரே வந்த மினி சரக்கு வாகனம் அவர் மீது மோதியது. இதில் பலத்த காயமடைந்த கணேசன் சம்பவ இடத்திலேயே பரிதாபமாக உயிரிழந்தார்.

இந்த விபத்து குறித்து திருவாடானை போலீசார் வழக்குப்பதிவு செய்து விசாரணை நடத்தி வருகின்றனர்.