ஓசூரில் மோட்டார் சைக்கிள் மீது சரக்கு வேன் மோதல்; தொழிலாளி பலி

ஓசூர்:

ஓசூர் ஓம் சாந்தி நகரை சேர்ந்தவர் சந்திரன் (வயது 32). கட்டிட தொழிலாளி. இவர் மோட்டார் சைக்கிளில் ஓசூர் இ.எஸ்.ஐ. ரிங் ரோடு- மத்தம் சாலையில் சென்று கொண்டிருந்தார். அப்போது அந்த வழியாக வந்த சரக்கு வேன் சந்திரன் மீது மோதியது. இதில் பலத்த காயமடைந்த சந்திரன் சம்பவ இடத்திலேயே இறந்து விட்டார். இந்த விபத்து குறித்து தகவல் அறிந்ததும் மத்திகிரி போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர்.