வேன் மோதி தொழிலாளி சாவு

சிவகங்கை

சிவகங்கையை அடுத்துள்ள சமத்துவபுரத்தை சேர்ந்தவர் குமார் (வயது 40). கூலி தொழிலாளியான இவா் சம்பவத்தன்று சிவகங்கை பஸ் நிலைய பகுதியில் இருந்து தனது வீட்டிற்கு மோட்டார் சைக்கிளில் சென்று கொண்டிருந்தாா். தொண்டி சாலையில் உள்ள ரெயில்வே மேம்பாலத்தின் வளைவில் சென்ற போது எதிரே வந்த வேன் இவரது மோட்டார் சைக்கிள் மீது மோதியது. இதில் சம்பவ இடத்திலேயே அவா் பலியானார். இதுதொடர்பாக சிவகங்கை நகர் இன்ஸ்பெக்டர் சுரேஷ்குமார் வழக்குப்பதிவு செய்து விசாரணை நடத்தி வருகிறார்.