பெண் குளிப்பதை வீடியோ எடுத்த3 சிறுவர்கள் மீது வழக்கு

காரமடை,

காரமடை பகுதியில் 30 வயது பெண் தனது குடும்பத்துடன் வசித்து வருகிறார். இவர் கடந்த சில நாட்களுக்கு முன்பு வீட்டில் உள்ள குளியலறையில் குளித்து கொண்டிருந்துள்ளார். அப்போது அதே பகுதியை சேர்ந்த 15 வயது சிறுவர்கள் 3 பேர் அந்த பெண் குளிப்பதை செல்போனில் வீடியோ எடுத்ததாக தெரிகிறது. இதனைக்கண்ட அந்த கூச்சலிட்டார். இதனால் பயந்துபோன சிறுவர்கள் அங்கிருந்து தப்பிச்சென்றனர்.

இந்த சம்பவம் குறித்து அந்்த பெண் காரமடை போலீஸ் நிலையத்தில் புகார் அளித்தார். இதன்பேரில் போலீசார் 3 சிறுவர்களையும் போலீஸ் நிலையத்திற்கு அழைத்து வந்து விசாரணை நடத்தினர். இதில் அவர்கள் அந்த பெண் குளிப்பதை வீடியோ எடுத்தது கண்டுபிடிக்கப்பட்டது. இதையடுத்து போலீசார் 3 சிறுவர்கள் மீதும் வழக்குப்பதிவு செய்தனர். பின்னர் அவர்களின் எதிர்காலத்தை கருத்தில் கொண்டு, எச்சரித்து காவல் நிலைய ஜாமீனில் விடுவித்தனர்.