துவரங்குறிச்சியில் வீடு புகுந்து திருடிய வாலிபர் கைது

துவரங்குறிச்சி, ஜூலை.9-

துவரங்குறிச்சியை அடுத்த யாகபுரம் பகுதியைச் சேர்ந்தவர் செல்வி. இவரது வீட்டில் கடந்த ஜனவரி மாதம் 6-ந் தேதி மர்ம நபர்கள் நகைகளை கொள்ளையடித்துச் சென்றனர். இந்த சம்பவம் தொடர்பாக துவரங்குறிச்சி போலீசார் வழக்கு பதிவு செய்து விசாரணை நடத்தி வந்த நிலையில் சம்பவத்தில் தொடர்புடைய வாணியம்பாடியை சேர்ந்த கார்த்திகேயன் (வயது 28) என்பவரை சேலம் போலீசார் கைது செய்தனர். அவர்கள் நடத்திய விசாரணையில் யாகபுரத்திலும் கார்த்திகேயன் கொள்ளையடித்தது தெரிய வந்ததையடுத்து அவரிடமிருந்து 4 பவுன் நகையை பறிமுதல் செய்தனர். மேலும் இந்த சம்பவத்தில் தொடர்புடைய இருவரை போலீசார் தேடி வருகின்றனர்.