விபத்தில் போலீஸ் சப்- இன்ஸ்பெக்டர் பலி

சத்தியமங்கலம்

சத்தியமங்கலம் அருகே உள்ள இந்திரா நகரை சேர்ந்தவர் கருப்பணன் (வயது 64). ஓய்வு பெற்ற போலீஸ் சப்- இன்ஸ்பெக்டர். தற்போது இந்திரா நகரில் மளிகை கடை வைத்திருந்தார். நேற்று முன்தினம் சத்தியமங்கலத்தில் இருந்து இந்திரா நகருக்கு இரு சக்கர வாகனத்தில் சென்று கொண்டிருந்தார். அத்தாணி ரோட்டில் உள்ள தனியார் அரிசி ஆலையில் இருந்து பின்னோக்கி வெளியே வந்த லாரி, கருப்பணன் ஓட்டி வந்த இரு சக்கர வாகனத்தில் மோதியது. இந்த விபத்தில் கருப்பணன் காயம் அடைந்தார். உடனே அவரை அங்கிருந்தவர்கள் மீட்டு சிகிச்சைக்காக சத்தியமங்கலம் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக கோவையில் உள்ள தனியார் ஆஸ்பத்திரிக்கு அனுப்பி வைக்கப்பட்டார். அங்கு டாக்டர்கள் தீவிர சிகிச்சை அளித்தும் பலனின்றி இறந்துவிட்டார். இதுகுறித்து சத்தியமங்கலம் போலீசார் வழக்குப்பதிவு செய்து விசாரணை நடத்தி வருகிறார்கள்.