கத்தியை காட்டி பணம் பறித்தவர் கைது

பாளையங்கோட்டை மார்க்கெட் பகுதியை சேர்ந்த விக்னேஷ் (வயது 30). இவர் மோட்டார் சைக்கிளில் சென்று கொண்டிருந்தபோது நெல்லை டவுனை சேர்ந்த சுந்தர் (26) என்பவர் வழிமறித்து மது அருந்த பணம் கேட்டுள்ளார். அவர் தர மறுத்த காரணத்தினால் கத்தியை காட்டி மிரட்டி அவரிடமிருந்து ஆயிரம் ரூபாயை பறித்துச் சென்றார். இதுகுறித்து நெல்லை மருத்துவக் கல்லூரி மருத்துவமனை போலீஸ் சப்-இன்ஸ்பெக்டர் தனலட்சுமி வழக்குப்பதிவு செய்து விசாரணை நடத்தி சுந்தரை கைது செய்தார்.