பெண்ணிடம் தங்க சங்கிலி பறிப்பு

பழனி ஆண்டவர் நகரை சேர்ந்தவர் தீபக்குமார். அவருடைய மனைவி வீரமணி (வயது 27). நேற்று முன்தினம் இவர், பழனி பெரியநாயகி அம்மன் கோவிலில் நடந்த சண்முகர், வள்ளி-தெய்வானை திருக்கல்யாண நிகழ்ச்சியில் கலந்து கொண்டார். அப்போது இருந்த கூட்டநெரிசலை பயன்படுத்தி வீரமணியின் கழுத்தில் கிடந்த 3 பவுன் தங்க சங்கிலியை மர்ம நபர் பறித்து சென்று விட்டார். இதுகுறித்து அவர், பழனி டவுன் போலீஸ் நிலையத்தில் புகார் அளித்தார். இதனையடுத்து கோவிலில் பொருத்தப்பட்டிருந்த கண்காணிப்பு கேமராக்களை ஆய்வு செய்து போலீசார் விசாரணை நடத்தி வருகின்றனர்.