7-ந்தேதி மின் நிறுத்தம்

திருவாரூர் மின்வாரிய இயக்குதல், பராமரித்தல் உதவி செயற்பொறியாளர் ராஜேந்திரன் வெளியிட்டுள்ள செய்திக்குறிப்பில் கூறியிருப்பதாவது:-திருவாரூர் துணை மின்நிலையத்தில் வருகிற 7-ந் தேதி (சனிக்கிழமை) மாதாந்திர பராமரிப்பு பணிகள் நடைபெறுகிறது. இதை முன்னிட்டு இந்த துணை மின்நிலையம் மற்றும் கப்பல் நகர் துணை மின் நிலையத்தில் இருந்து மின் வினியோகம் பெறும் திருவாரூர் நகர், தெற்குவீதி, பனகல் சாலை, விஜயபுரம், தஞ்சை சாலை, விளமல், கொடிக்கால்பாளையம், மாங்குடி, கூடூர், முகந்தனூர்,திருப்பயத்தாங்குடி, மாவூர் மற்றும் அதை சுற்றியுள்ள பகுதிகளில் அன்று காலை 9 மணி முதல் மாலை 5 மணி வரை மின்வினியோகம் இருக்காது.இதேபோல் அடியக்கமங்கலம் துணைமின் நிலையத்தில் இருந்து மின் வினியோகம் பெறும் அடியக்கமங்கலம், இ.பி காலனி, சிதம்பர நகர், பிலாவடிமூலை, ஆந்தக்குடி, அலிவலம், புலிவலம், தப்பளாம்புலியூர், புதுபத்தூர், நீலப்பாடி, கொரடாச்சேரி மற்றும் அதனைச் சுற்றியுள்ள பகுதிகளில் 7-ந் தேதி காலை 9 மணி முதல் மாலை 5 மணி வரை மின் வினியோகம் இருக்காது. இவ்வாறு அதில் கூறப்பட்டுள்ளது.