வீட்டிற்குள் புகுந்து 7 செல்போன்கள்-ரூ.11 ஆயிரம் திருட்டு: போலீசார் வலைவீச்சு

கரூர், 

கரூர் வாங்கபாளையத்தை சேர்ந்தவர் பிரகாஷ் குமார் (வயது 21). இவர் தனியார் நிறுவனம் ஒன்றில் ஊழியராக பணியாற்றி வருகிறார். இந்தநிலையில் சம்பவத்தன்று பிரகாஷ்குமார் தனது நண்பர்களுடன் வீட்டிற்குள் தூங்கி கொண்டிருந்தார். அப்போது வீட்டிற்குள் புகுந்த மர்மநபர்கள் அங்கிருந்த 7 செல்போன்கள் மற்றும் ரூ.11 ஆயிரத்தை திருடி சென்றனர். இதுகுறித்து பிரகாஷ்குமார் கொடுத்த புகாரின்பேரில் வெங்கமேடு போலீஸ் சப்-இன்ஸ்பெக்டர் பொன்னுசாமி வழக்குப்பதிந்து, செல்போன்கள் மற்றும் பணத்தை திருடி சென்ற மர்மநபர்களை வலைவீசி தேடி வருகிறார்.