குமரிக்கு 6-ந் தேதி உள்ளூர் விடுமுறைகலெக்டா் தகவல்

நாகர்கோவில்:

குமரி மாவட்ட கலெக்டர் அரவிந்த் வெளியிட்டுள்ள செய்திக்குறிப்பில் கூறப்பட்டு இருப்பதாவது:-

தக்கலை செய்கு பீர் முகம்மது சாகிபு ஒலியுல்லா (ரலி) ஆண்டு விழாவை முன்னிட்டு வருகிற 6-ந் தேதி (திங்கட்கிழமை) அன்று குமரி மாவட்டத்தில் உள்ள அனைத்து மாநில அரசு அலுவலகங்கள் மற்றும் அனைத்து கல்வி நிறுவனங்களுக்கும் உள்ளூர் விடுமுறை விடப்படுகிறது. அந்த உள்ளூர் விடுமுறைக்கு ஈடாக 11-3-2023 அன்று மாநில அரசு அலுவலகங்கள் மற்றும் கல்வி நிறுவனங்களுக்கு வேலை நாளாக இருக்கும்.

குமரி மாவட்டத்திற்கு தக்கலை செய்கு பீர்முகம்மது சாகிபு ஒலியுல்லா (ரலி) ஆண்டு விழாவிற்கு உள்ளூர் விடுமுறை செலவாணி முறிச் சட்டத்தின்படி அறிவிக்கப்படவில்லை என்பதால் 6-ந் தேதி அன்று குமரி மாவட்டத்தில் உள்ள தலைமைக் கருவூலம் மற்றும் கிளை கருவூலங்கள் அரசு ஈடுபாடு சம்பந்தப்பட்ட அவசர பணிகளைக் கவனிக்கும் பொருட்டு தேவையான பணியாளர்களைக் கொண்டு இயங்கும்.

இவ்வாறு அதில் கூறப்பட்டுள்ளது.