ஓடும் பஸ்சில் மூதாட்டியிடம் 5 பவுன் நகை திருட்டு

பரமக்குடி,

பரமக்குடி தாலுகா நயினார்கோவில் அருகே உள்ள கோபால்பட்டினம் கிராமத்தை சேர்ந்தவர் புஷ்பம் (வயது 75). சம்பவத்தன்று இவர் தனது உறவினர் வீட்டில் இருந்து சொந்த ஊருக்கு செல்வதற்காக பரமக்குடி பஸ் நிலையத்தில் இருந்து பஸ்சில் ஏறிச் சென்றுள்ளார். அப்போது அவர் அருகில் அமர்ந்திருந்தவர் புஷ்பத்திடம் பேச்சு கொடுத்து அவருக்கு தெரியாமல் அவர் கழுத்தில் அணிந்திருந்த 5 பவுன் நகையை திருடி சென்றுள்ளார். அவர் யார்? எந்த ஊர்? என்ற விவரம் தெரியவில்லை. பின்பு சில நேரம் கழித்து கழுத்தை பார்த்த புஷ்பம் நகை காணாமல் போனது தெரிந்து அலறியுள்ளார். இதுகுறித்து புஷ்பம் பரமக்குடி நகர் போலீஸ் நிலையத்தில் புகார் செய்தார். அந்த புகாரின் அடிப்படையில் போலீசார் வழக்குப்பதிவு செய்து அந்த மர்ம நபரை தேடி வருகின்றனர்.