4 டன் புகையிலை பொருட்கள் பறிமுதல்

ஆலங்குளம்-செவல்பட்டி சாலையில் பள்ளிக்கூடம் அருகே ஆலங்குளம் போலீசார் வாகன சோதனையில் ஈடுபட்டனர். அப்போது அந்த வழியாக வந்த சரக்கு வேனையும், ேமாட்டார்சைக்கிளையும் மறித்து சோதனை செய்தனர். தொடர்ந்து அவர்களிடம் விசாரணை நடத்தியதில் சரக்கு வேனில் வந்தவர் கரிவலம்வந்த நல்லூர் அருகே உள்ள ஒப்பனையாள் நகரை சேர்ந்த ராசுக்குட்டி என்ற ஐசக் (வயது 27) என்பதும், இரு சக்கர வாகனத்தில் வந்தவர் கழுகுமலை அருகே உள்ள வில்சன் நகரை சேர்ந்த ஆபிரகாம் (30) என்பதும் தெரியவந்தது. அவர்கள் 4 டன் எடையுள்ள ரூ.1 லட்சத்து 53 ஆயிரம் மதிப்புள்ள புகையிலை பொருட்களை கடத்தி வந்ததும் தெரியவந்தது. இதையடுத்து அவர்கள் 2 பேரையும் கைது செய்த போலீசார் சரக்கு வேன், மோட்டார்சைக்கிளை பறிமுதல் செய்தனர். தொடர்ந்து இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.