தமிழ்நாட்டில் மேலும் 382 பேருக்கு கொரோனா பாதிப்பு

சென்னை,

தமிழ்நாட்டில் கடந்த சில நாட்களாக கொரோனா பாதிப்பு படிப்படியாக அதிகரித்து வந்தது. இந்நிலையில் தமிழகத்தில் இன்று ஒருநாள் கொரோனா பாதிப்பு சற்று குறைந்து 382 ஆக பதிவாகி உள்ளது. நேற்றைய கொரோனா பாதிப்பு 421 ஆக இருந்தது.

இதுதொடர்பாக மக்கள் நல்வாழ்வுத்துறை வெளியிட்டுள்ள செய்திக்குறிப்பில், "தமிழ்நாட்டில் இன்று ஒரே நாளில் 382 பேர் கொரோனா பாதிப்பு அடைந்து உள்ளனர். இதில் 206 ஆண்கள் மற்றும் 176 பெண்கள் அடங்குவார்கள். அதிகபட்சமாக சென்னையில் 81 பேருக்கும்,கோவையில் 51 பேருக்கும், சேலத்தில் 34 பேருக்கும் மொத்தம் 35 மாவட்டங்களில் பாதிப்பு கண்டறியப்பட்டுள்ளது.

கொரோனா பாதிப்பில் இருந்து இன்று 532 பேர் குணம் அடைந்தனர். சிகிச்சை பெறுவோரின் எண்ணிக்கை 3 ஆயிரத்து 312 ஆக உள்ளது. தமிழ் நாட்டில் கொரோனா தொற்றால் இன்று கோவையில் ஒருவர் உயிரிழந்துள்ளார்." என்று அதில் தெரிவிக்கப்பட்டுள்ளது.