பணம் வைத்து சூதாடிய 34 பேர் கைது

குஜிலியம்பாறை பகுதியில் உள்ள மனமகிழ்மன்றங்களில் பணம் வைத்து சூதாடுவதாக போலீசாருக்கு ரகசிய தகவல் கிடைத்தது. அதன்பேரில் வேடசந்தூர் போலீஸ் துணை சூப்பிரண்டு துர்காதேவி தலைமையிலான போலீசார், குஜிலியம்பாறை பகுதியில் உள்ள மனமகிழ்மன்றங்களில் அதிரடி சோதனை நடத்தினர். குஜிலியம்பாறை அருகே தி.கூடலூரில் உள்ள மனமகிழ்மன்றத்தில் நடத்திய சோதனையில் பணம் வைத்து சூதாடிய 14 பேர் சிக்கினர். அவர்களிடம் இருந்து ரூ.33 ஆயிரம் பறிமுதல் செய்யப்பட்டது.

இதேபோல் குஜிலியம்பாறை அருகே ஆர்.வெள்ளோட்டில் உள்ள மனமகிழ்மன்றத்தில் பணம் வைத்து சூதாடிய 20 பேர் பிடிபட்டனர். அவர்களிடம் இருந்து ரூ.33 ஆயிரத்து 500 பறிமுதல் செய்யப்பட்டது. இதுதொடர்பாக போலீசார் வழக்குப்பதிவு செய்து 34 பேரையும் கைது செய்தனர்.