வெறிநாய் கடித்து 3 ஆடுகள் சாவு

முதுகுளத்தூர்,

முதுகுளத்தூர் கீழரத வீதியை சேர்ந்தவர் வடிவேலு (வயது 40). இவர் தனது வீட்டு ஆட்டு கொட்டகையில் 10 ஆடுகள் வளர்த்து வந்தார். இந்நிலையில் நேற்று மதியம் வீட்டில் ஆள் இல்லாத சமயத்தில் வெறி நாய்கள் ஒன்று சேர்ந்து கடித்ததில் 3 பெரிய ஆடுகள் இறந்தன. மேலும் 4 ஆட்டுக்குட்டிகளையும் நாய்கள் தூக்கிச் சென்றதாக கூறப்படுகிறது. இதனால் உரிய இழப்பீடு வழங்க வேண்டும் என்றும், வெறி நாய்களை கட்டுப்படுத்த வேண்டும் என்றும் கோரிக்கை எழுந்துள்ளது.