வாலிபரிடம் பணம் பறித்த 3 பேர் கைது

மதுரை ஜெய்ஹிந்த்புரம் ஜீவா நகரைச் சேர்ந்தவர் செந்தூரப்பாண்டி (வயது 23). இவர் அதே பகுதியில் உள்ள சாலையில் நடந்து சென்று கொண்டிருந்தார். அப்போது, அந்த வழியாக வந்த மர்ம நபர்கள் கத்தியைக் காட்டி மிரட்டி செந்தூரபாண்டியிடமிருந்து பணத்தை பறித்துச் சென்றனர். இதுகுறித்த புகாரின் பேரில் ஜெய்ஹிந்த்புரம் போலீசார் வழக்குப்பதிவு செய்து விசாரணை நடத்தினர். விசாரணையில், ஜெய்ஹிந்த்புரம் பகுதியைச் சேர்ந்த மணிகண்டன் (24), திருப்பதி (24), ஆறுமுகப்பாண்டி (23) ஆகிய 3 பேரும் கத்தியைக் காட்டி மிரட்டி பணத்தை பறித்துச் சென்றது தெரியவந்தது. இதையடுத்து அவர்கள் 3 பேரையும் போலீசார் கைது செய்தனர்.