பட்டியில் அடைக்கப்பட்டிருந்த 23 ஆடுகள் திருட்டு

முத்துப்பேட்டை:

முத்துப்பேட்டை அருகே பட்டியில் அடைக்கப்பட்டிருந்த 23 ஆடுகளை திருடி சென்ற மா்ம நபர்களை போலீசார் தேடி வருகிறார்கள்.

இயற்கை உரம்

திருவாரூர் மாவட்டம், முத்துப்பேட்டை அருகே உள்ள சங்கேந்தி கிராமத்தில் அழகேசன் என்பவரின் வயலில், ராமநாதபுரம் மாவட்டம் கீழக்கரையை ரங்கசாமி மகன் கேசவன்(வயது66) என்பவருக்கு சொந்தமான செம்மறி ஆடு பட்டி உள்ளது. நெல் சாகுபடிக்கு இப்பகுதி விவசாயிகள் மாட்டு சாணம், ஆட்டு எரு, இலைகள் போன்ற இயற்கை உரங்களை பயன்படுத்தி வருகின்றனர். சம்பவத்தன்று இரவு 350 ஆடுகளை ஆட்டுப்பட்டியில் வலை வைத்து அடைத்து வைத்து இருந்தனர்.

23 ஆடுகள் திருட்டு

இதை சாதகமாக பயன்படுத்தி கொண்ட மர்ம நபர்கள் 23 செம்மறி ஆடுகளை திருடி சென்று விட்டனர். இதன் மதிப்பு சுமார் ரூ.5 லட்சம் என கூறப்படுகிறது. இதுகுறித்து கேசவன் எடையூர் போலீஸ் நிலையத்தில் புகார் செய்தார். இதன்போில் போலீசார் வழக்குப்பதிவு செய்து ஆடுகளை திருடி சென்ற மர்ம நபர்களை தேடி வருகின்றனர்.