‘மாமனிதன்’ திரைப்பட இசை வெளியீட்டு விழா

‘மாமனிதன்’ திரைப்பட இசை வெளியீட்டு விழா புதுச்சேரியில் நாளை நடக்கிறது. இதில் நடிகர் விஜய் சேதுபதி கலந்து கொள்கிறார்.

நடிகர் விஜய் சேதுபதி ‘மாமனிதன்’ என்ற திரைப்படத்தில் நடித்து வருகிறார். ஸ்டூடியோ-9 தயாரிப்பில் உருவாகும் இந்த படத்தை இயக்குனர் சீனு.ராமசாமி இயக்கி உள்ளார். 

இந்த படத்தின் புதுச்சேரி-கடலூர் பகுதி வினியோகஸ்தராக யுவர் பேக்கர்ஸ் உள்ளது. படத்தில் 3 பாடல்கள் இடம்பெற்றுள்ளன. முதன்முதலாக இசைஞானி இளையராஜா, யுவன் சங்கர் ராஜா ஆகியோர் இணைந்து இசை அமைத்துள்ளனர்.

இந்த படத்தின் இசை வெளியீட்டு விழா புதுவை மரப்பாலத்தில் உள்ள சுகன்யா கன்வென்சன் சென்டரில் நாளை (சனிக்கிழமை) மாலை 6 மணிக்கு நடக்கிறது.

விழாவில் நடிகர் விஜய் சேதுபதி, நடிகை காயத்ரி, இசையமைப்பாளர் யுவன் சங்கர்ராஜா, தயாரிப்பாளர் ஆர்.கே.சுரேஷ் உள்பட முக்கிய பிரமுகர்கள் கலந்துகொள்கின்றனர். இதற்கான ஏற்பாடுகளை யுவர் பேக்கர்ஸ் நிர்வாக இயக்குனர் கிருஷ்ணராஜ் மற்றும் நிர்வாகிகள் செய்து வருகின்றனர்.