பைபர் படகில் என்ஜின் திருட்டு

காரைக்கால் கோட்டுச்சேரியை அடுத்த காளிகுப்பம் மீனவ கிராமத்தை சேர்ந்தவர் ஜெயபாஸ்கர் (வயது 40). சம்பவத்தன்று இவர் தனது பைபர் படகை கடற்கரையோரம் நிறுத்திவிட்டு வீட்டுக்குச் சென்றார். மறுநாள் காலையில் வந்து பார்த்தபோது, படகில் இருந்த ரூ.1 லட்சத்து 60 ஆயிரம் மதிப்பிலான என்ஜின் திருட்டு போயிருப்பதை கண்டு அதிர்ச்சி அடைந்தார்.

இதுகுறித்து அவர் கோட்டுச்சேரி போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.