சென்னை வங்கியில் டெபாசிட் செய்த ரூ.100 கோடி நூதன மோசடி வழக்கில் 11 பேர் மீண்டும் கைது
சென்னை வங்கியில் டெபாசிட் செய்த ரூ.100 கோடியை நூதனமாக மோசடி செய்த வழக்கில் 11 பேரை மீண்டும் கைது செய்து, அமலாக்கத்துறை அதிரடி நடவடிக்கை எடுத்துள்ளது.
சென்னை,
சென்னை துறைமுக சபை சார்பில் சென்னை கோயம்பேட்டில் உள்ள இந்தியன் வங்கியில் கடந்த ஆண்டு மார்ச் மாதம் ரூ.100 கோடி டெபாசிட் செய்யப்பட்டது. அந்த டெபாசிட் பணம், அந்த வங்கி கணக்கில் இருந்து, போலி ஆவணங்கள் தயாரிக்கப்பட்டு, கணேஷ் நடராஜன் என்பவரின் வங்கி கணக்குக்கு நூதனமான முறையில் மாற்றப்பட்டுள்ளது.
கணேஷ் நடராஜன் தன்னை சென்னை துறைமுகத்தின் நிதி பிரிவு துணை இயக்குனர் என்று கூறிக் கொண்டு அதற்கான ஆவணங்களையும் வங்கியில் சமர்ப்பித்து, அதே வங்கியில் புதிய கணக்கு ஒன்றை தொடங்கி, ரூ.100 கோடி பணத்தை அந்த புதிய கணக்குக்கு மாற்றி, அதில் இருந்து ரூ.45 கோடி எடுத்து ஏப்பம் விட்டதாக புகார் எழுந்தது.
ரூ.55 கோடி முடக்கம்
இந்தியன் வங்கியின் உயர் அதிகாரிகள் இந்த மோசடியை கண்டு பிடித்தனர். கோயம்பேடு இந்தியன் வங்கியின் அப்போதைய மேலாளரின் துணையோடுதான் இந்த நூதன மோசடி அரங்கேறி இருக்க வேண்டும் என்ற சந்தேகம் எழுந்தது.
இந்தியன் வங்கியின் உயர் அதிகாரிகள் தலையீட்டின் பேரில், வங்கி கணக்கில் மீதி இருந்த ரூ.55 கோடி பணத்தை சுருட்ட விடாமல் முடக்கி விட்டனர்.
சி.பி.ஐ. சோதனை
இந்த மெகா மோசடி குறித்து சென்னை மத்திய குற்றப்பிரிவு போலீசில் முதலில் புகார் கொடுக்கப்பட்டது. மத்திய குற்றப்பிரிவு போலீசார் இதுகுறித்து பூர்வாங்க விசாரணை நடத்தினார்கள். பின்னர் இந்த வழக்கு சி.பி.ஐ. விசாரணைக்கு மாற்றப்பட்டது.
சி.பி.ஐ. அதிகாரிகளும் குறிப்பிட்ட இந்தியன் வங்கியின் மேலாளர் சேர்மதி ராஜன் மற்றும் பணத்தை சுருட்டியதாக புகார் கூறப்பட்ட கணேஷ் நடராஜன், இடைத்தரகர் மணிமொழி ஆகியோர் உள்பட 11 பேர் மீது வழக்குப்பதிவு செய்து விசாரணை நடத்தினார்கள்.
இந்த வழக்கு தொடர்பாக சென்னையில் 3 இடங்களில் சி.பி.ஐ. அதிகாரிகள் சோதனை நடத்தினார்கள்.
கைது நடவடிக்கை
இந்த வழக்கில் முக்கிய குற்றவாளியான கணேஷ் நடராஜன், இடைத்தரகர் மணிமொழி, செல்வகுமார் என்ற செல்வம், ஜாகீர் உசேன், விஜய்ஹெரால்டு, ராஜேஷ்சிங், ஸ்ரீசியாத், சுடலைமுத்து என்ற அண்ணாச்சி மற்றும் வங்கி மேலாளர் சேர்மதிராஜன் போன்றோரை கைது செய்து நீதிமன்ற காவலில் சிறையில் அடைத்தார்கள்.
இந்த வழக்கில் கேமரூன் நாட்டைச் சேர்ந்த பவுசியாமோ ஸ்டீவ், காங்கோ நாட்டைச் சேர்ந்த முசாசா இலுங்கா ஆகிய இருவரை சி.பி.ஐ. கைது செய்தது. இவர்கள் இருவரும் மாணவர்கள் என்று கூறி விசா எடுத்து, சென்னை ராமாவரம் பகுதியில் தங்கி இருந்துள்ளனர். இந்த மோசடிக்கு இவர்கள் இருவரும் உறுதுணையாக செயல்பட்டுள்ளதாக சி.பி.ஐ. தெரிவித்தது.
அமலாக்கத்துறை அதிரடி
இந்த நிலையில் இந்த வழக்கை அமலாக்கத்துறையினரும் விசாரித்தார்கள். அவர்கள் தனியாக வழக்குப்பதிவு செய்து தமிழகம் முழுவதும் 15 இடங்களில் சோதனை நடத்தினர். ஏராளமான சொத்துகள் முடக்கப்பட்டது.
இந்த நிலையில் இந்த வழக்கு தொடர்பாக மீண்டும் 11 பேர்களையும் கைது செய்துள்ளதாக அமலாக்கத்துறை அறிவித்துள்ளது. அவர்கள் பெயர் விவரம் வருமாறு:-
1.சுடலைமுத்து, 2.விஜய்ஹெரால்டு, 3.ராஜேஷ்சிங், 4.ஸ்ரீசியாத், 5.ஜாகீர்உசேன், 6.சுரேஷ்குமார், 7.கணேஷ்நடராஜன், 8.மணிமொழி, 9.செல்வகுமார், 10.வங்கி மேலாளர் சேர்மதிராஜன், 11.அருண்அன்பு இந்த விவகாரத்தில் முறைகேடான பணிபரிமாற்றம் நடந்துள்ளதாக அமலாக்கத்துறை குற்றம் சாட்டி உள்ளது.
சென்னை துறைமுக சபை சார்பில் சென்னை கோயம்பேட்டில் உள்ள இந்தியன் வங்கியில் கடந்த ஆண்டு மார்ச் மாதம் ரூ.100 கோடி டெபாசிட் செய்யப்பட்டது. அந்த டெபாசிட் பணம், அந்த வங்கி கணக்கில் இருந்து, போலி ஆவணங்கள் தயாரிக்கப்பட்டு, கணேஷ் நடராஜன் என்பவரின் வங்கி கணக்குக்கு நூதனமான முறையில் மாற்றப்பட்டுள்ளது.
கணேஷ் நடராஜன் தன்னை சென்னை துறைமுகத்தின் நிதி பிரிவு துணை இயக்குனர் என்று கூறிக் கொண்டு அதற்கான ஆவணங்களையும் வங்கியில் சமர்ப்பித்து, அதே வங்கியில் புதிய கணக்கு ஒன்றை தொடங்கி, ரூ.100 கோடி பணத்தை அந்த புதிய கணக்குக்கு மாற்றி, அதில் இருந்து ரூ.45 கோடி எடுத்து ஏப்பம் விட்டதாக புகார் எழுந்தது.
ரூ.55 கோடி முடக்கம்
இந்தியன் வங்கியின் உயர் அதிகாரிகள் இந்த மோசடியை கண்டு பிடித்தனர். கோயம்பேடு இந்தியன் வங்கியின் அப்போதைய மேலாளரின் துணையோடுதான் இந்த நூதன மோசடி அரங்கேறி இருக்க வேண்டும் என்ற சந்தேகம் எழுந்தது.
இந்தியன் வங்கியின் உயர் அதிகாரிகள் தலையீட்டின் பேரில், வங்கி கணக்கில் மீதி இருந்த ரூ.55 கோடி பணத்தை சுருட்ட விடாமல் முடக்கி விட்டனர்.
சி.பி.ஐ. சோதனை
இந்த மெகா மோசடி குறித்து சென்னை மத்திய குற்றப்பிரிவு போலீசில் முதலில் புகார் கொடுக்கப்பட்டது. மத்திய குற்றப்பிரிவு போலீசார் இதுகுறித்து பூர்வாங்க விசாரணை நடத்தினார்கள். பின்னர் இந்த வழக்கு சி.பி.ஐ. விசாரணைக்கு மாற்றப்பட்டது.
சி.பி.ஐ. அதிகாரிகளும் குறிப்பிட்ட இந்தியன் வங்கியின் மேலாளர் சேர்மதி ராஜன் மற்றும் பணத்தை சுருட்டியதாக புகார் கூறப்பட்ட கணேஷ் நடராஜன், இடைத்தரகர் மணிமொழி ஆகியோர் உள்பட 11 பேர் மீது வழக்குப்பதிவு செய்து விசாரணை நடத்தினார்கள்.
இந்த வழக்கு தொடர்பாக சென்னையில் 3 இடங்களில் சி.பி.ஐ. அதிகாரிகள் சோதனை நடத்தினார்கள்.
கைது நடவடிக்கை
இந்த வழக்கில் முக்கிய குற்றவாளியான கணேஷ் நடராஜன், இடைத்தரகர் மணிமொழி, செல்வகுமார் என்ற செல்வம், ஜாகீர் உசேன், விஜய்ஹெரால்டு, ராஜேஷ்சிங், ஸ்ரீசியாத், சுடலைமுத்து என்ற அண்ணாச்சி மற்றும் வங்கி மேலாளர் சேர்மதிராஜன் போன்றோரை கைது செய்து நீதிமன்ற காவலில் சிறையில் அடைத்தார்கள்.
இந்த வழக்கில் கேமரூன் நாட்டைச் சேர்ந்த பவுசியாமோ ஸ்டீவ், காங்கோ நாட்டைச் சேர்ந்த முசாசா இலுங்கா ஆகிய இருவரை சி.பி.ஐ. கைது செய்தது. இவர்கள் இருவரும் மாணவர்கள் என்று கூறி விசா எடுத்து, சென்னை ராமாவரம் பகுதியில் தங்கி இருந்துள்ளனர். இந்த மோசடிக்கு இவர்கள் இருவரும் உறுதுணையாக செயல்பட்டுள்ளதாக சி.பி.ஐ. தெரிவித்தது.
அமலாக்கத்துறை அதிரடி
இந்த நிலையில் இந்த வழக்கை அமலாக்கத்துறையினரும் விசாரித்தார்கள். அவர்கள் தனியாக வழக்குப்பதிவு செய்து தமிழகம் முழுவதும் 15 இடங்களில் சோதனை நடத்தினர். ஏராளமான சொத்துகள் முடக்கப்பட்டது.
இந்த நிலையில் இந்த வழக்கு தொடர்பாக மீண்டும் 11 பேர்களையும் கைது செய்துள்ளதாக அமலாக்கத்துறை அறிவித்துள்ளது. அவர்கள் பெயர் விவரம் வருமாறு:-
1.சுடலைமுத்து, 2.விஜய்ஹெரால்டு, 3.ராஜேஷ்சிங், 4.ஸ்ரீசியாத், 5.ஜாகீர்உசேன், 6.சுரேஷ்குமார், 7.கணேஷ்நடராஜன், 8.மணிமொழி, 9.செல்வகுமார், 10.வங்கி மேலாளர் சேர்மதிராஜன், 11.அருண்அன்பு இந்த விவகாரத்தில் முறைகேடான பணிபரிமாற்றம் நடந்துள்ளதாக அமலாக்கத்துறை குற்றம் சாட்டி உள்ளது.