பள்ளி குழந்தைகளின் சாலை மறியல் போராட்டத்தால் பரபரப்பு...!

சத்தியமங்கலம்,

ஈரோடு மாவட்டம் சத்தியமங்கலம் அருகே அரசு நடுநிலைப்பள்ளி ஒன்று  உள்ளது. இந்த பள்ளியில்  300-க்கும் மேற்பட்ட குழந்தைகள் படித்து வருகின்றனர். 

இந்த பள்ளி கூடம் ஆங்கிலேயர் காலத்தில் கட்டப்பட்டது. தற்போது மிகவும் பழுதடைந்த ஓடுகள் கிழே விழும் நிலையில் காணப்படுகின்றது. இதனால் பள்ளியில் உள்ள குழந்தைகள் ஆபத்தான நிலையில் படித்து வருவதாக பெற்றோர்கள் குற்றம் சாட்டி வந்தனர். 

இது தொடர்பாக குழந்தைகளின் பெற்றோர்கள் நகராட்சி ஆணையருக்கு பல முறை மனு அளித்து அந்த நடவடிக்கையும் எடுக்கப்படவில்லை என்று கூறப்படுகின்றது. 

இந்த நிலையில் இன்று பள்ளிக்கு வந்த குழந்தைகள் காலை 9 மணி அளவில் திடீரென சாலை மறித்து போராட்டத்தில் ஈடுபட்டனர்.

இதனை அறிந்து சம்பவ இடத்துக்குவந்த போலீசார் போராட்டத்தில் ஈடுபட்ட குழந்தைகள் மற்றும் பெற்றோர்களிடம் பேச்சு வார்ததை நடத்தினர். ஆனால் அவர்கள் கலைந்து செல்ல மறுத்தனர். 

பின்னர் சம்பவ இடத்துக்கு நேரில் வந்த சத்தியமங்கலம் நகராட்சி ஆணையர் சரவணக்குமார், குழந்தைகள் மற்றும் பெற்றோரிடம் இந்த பிரச்சனை தொடர்பாக உரிய நடவடிக்கை எடுப்பதாக உறுதி அளித்ததை தொடர்ந்து அவர்கள் போராட்டத்தை விடுத்து கலைந்து சென்றனர்.

பள்ளி குழந்தைகளின் போராட்டத்தால் அந்த சாலையில் 1 மணி நேரத்துக்கு மேலாக போக்குவரத்து பாதிக்கப்பட்டது.