மனைவியை சித்ரவதை செய்த போலீஸ்காரர்

வேறொரு பெண்ணுடன் சேர்ந்து மனைவியை சித்ரவதை செய்த போலீஸ்காரர் மீது வழக்குப்பதிவு செய்யப்பட்டுள்ளது.

புதுவை கோரிமேடு சிவாஜிநகர் சமோரியா வீதியை சேர்ந்தவர் ஆரோக்கிய பிரேம் ஆனந்த். ஐ.ஆர்.பி.என். போலீஸ்காரர். இவரது மனைவி ஆரோக்கிய மேரி பிரிசில்லா (வயது 37). இவர்களுக்கு 2 மகன்கள் உள்ளனர்.

இந்தநிலையில ஆரோக்கிய பிரேம் ஆனந்துக்கு வேறொரு பெண்ணுடன் பழக்கம் ஏற்பட்டதாக தெரிகிறது.  இது குறித்து அறிந்த ஆரோக்கிய மேரி பிரிசில்லா, தனது கணவரை கண்டித்தார். இதனால் ஆத்திரம் அடைந்த ஆராக்கிய பிரேம் ஆனந்த், தனது மனைவியை தினமும் அடித்து கொடுமைப்படுத்தியதாக கூறப்படுகிறது. 

இதனால் பாதிக்கப்பட்ட ஆரோக்கிய மேரி பிரிசில்லா வில்லியனூர்       அனைத்து மகளிர் போலீஸ் நிலையத்தில் புகார் செய்தார். அதன் பேரில் போலீசார் 2 பேரையும் அழைத்து சமாதானம் செய்து அனுப்பி வைத்தனர்.

இருப்பினும் ஆரோக்கிய பிரேம் ஆனந்த், தொடர்ந்து தனது மனைவியை சித்ரவதை செய்ததாக கூறப்படுகிறது. இந்த  நிலையில்   கடந்த 17-ந் தேதி ஆரோக்கிய மேரி பிரிசில்லா, அந்த பெண்ணின் வீட்டிற்கு சென்று தனது கணவரை எங்கே என்று கேட்டுள்ளார். இதனால் அவர்களுக்கு இடையே தகராறு ஏற்பட்டது.

அப்போது அங்கு வந்த ஆரோக்கிய பிரேம் ஆனந்த், அந்த பெண்ணுடன் சேர்ந்து ஆரோக்கிய மேரி பிரிசில்லாவை சரமாரியாக தாக்கி வீட்டை விட்டு வெளியே தள்ளி விட்டதாக கூறப்படுகிறது. இதில் படுகாயம் அடைந்த அவர் கதிர்காமம் அரசு மருத்துவ கல்லூரி மருத்துவமனையில் சிகிச்சை பெற்றார். இது குறித்த புகாரின் பேரில் மேட்டுப்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.