காவிரி ஆணையம் அமைக்க திமுக கடுமையாக போராடியது; முதல்- அமைச்சர் மு.க.ஸ்டாலின்

சென்னை,

தஞ்சை மாவட்டத்தில் நகர்ப்புற உள்ளாட்சி தேர்தலில் போட்டியிடும் தி.மு.க. மற்றும் கூட்டணி கட்சி வேட்பாளர்களை ஆதரித்து   சென்னையில் இருந்தபடி முதல்-அமைச்சர் மு.க.ஸ்டாலின் காணொலி காட்சி மூலம் இன்று தேர்தல் பிரசாரத்தில் ஈடுபட்டார். அப்போது அவர் கூறியதாவது: 

தஞ்சையில் நடைபெற அரசு விழாவில் பொதுமக்களிடம் மனுக்கள் பெற்றேன். 23 ஆயிரம் மனுக்கள் பெறப்பட்டு பல்வேறு மனுக்கள் மீது தீர்வு காணப்பட்டுள்ளது. ரூ. 1366- கோடிக்கு பயிர் காப்பீடு இழப்பீடாக வழங்கப்பட்டுள்ளது.  

காவிரி மண்ணுக்கும் வேளாண் பெருங்குடி மக்களுக்கும் என்றும் துணையாக இருப்பேன்.  காவிரி ஆணையம் அமைக்க திமுக கடுமையாக போராடியது.  காவிரி நடுவர் மன்றம் அமைக்க முதலில் குரல் கொடுத்தவர் கருணாநிதி; காவிரி இறுதி தீர்ப்பை பெற்று தந்தவரும் கருணாநிதி தான்” என்றார்.