வட மாநிலத்தை சேர்ந்த 6 குழந்தை தொழிலாளர்கள் மீட்பு

திருச்சி,

திருச்சி ஜங்ஷன் ரெயில் நிலையத்தில் ரெயில்வே பாதுகாப்பு படையினர் ரோந்து பணியில் ஈடுபட்டனர். ஹவுராவில் இருந்து வந்த ரெயிலில் அவர்கள் சோதனை மேற்கொண்ட போது, சந்தேகப்படும் வகையில் 15 வயதுடைய 2 சிறுவர்கள், 16 வயது சிருவன் ஒருவர் என்று 3 சிறுவர்கள் ஒரு பெட்டியில் உட்கார்ந்து இருந்தனர். இதுபோல் புவனேஷ்வரில் இருந்து திருச்சி வழியாக ராமேசுவரம் சென்ற ரெயிலில் 16 வயதுடைய 3 சிறுவர்கள் இருந்தனர்.

உடனே அவர்கள் 6 பேரையும் பிடித்து விசாரணை செய்த போது, அவர்களில் 5 பேர் ஒரிசா மாநிலத்தை சேர்ந்தவர்கள் என்பதும், ஒருவர் மேற்குவங்க மாநிலத்தை சேர்ந்தவர் என்பதும் திருப்பூரில் உள்ள பனியன் நிறுவனத்துக்கு வேலைக்காக ரெயிலில் புறப்பட்டு வந்ததும் தெரியவந்தது. இதைத்தொடர்ந்து 6 பேரையும் காப்பகத்தில் ஒப்படைத்த ரெயில்வே பாதுகாப்பு படையினர், 6 சிறுவர்களின் பெற்றோருக்கு தகவல் தெரிவித்துள்ளனர்.