"ஜூலை 15-ல் மாவட்ட செயலாளர்கள் கூட்டம்" - அன்பழகன் அறிவிப்பு

சென்னை,

தி.மு.க மாவட்ட செயலாளர்கள் கூட்டம் வருகிற 15ஆம் தேதி நடைபெற உள்ளதாக அக்கட்சியின் பொதுச்செயலாளர் அன்பழகன் அறிவித்துள்ளார். தேனாம்பேட்டையில் உள்ள அன்பகம் - அண்ணா மன்றத்தில் மாலை 5 மணி அளவில் கூட்டம் நடைபெற உள்ளதாகவும், அனைவரும் தவறாமல் பங்கேற்க வேண்டும் எனவும் அவர் அழைப்பு விடுத்துள்ளார். இந்த கூட்டத்தில், வேலூர் மக்களவை தொகுதி தேர்தல், பிரசார யுத்தி உள்ளிட்ட பல்வேறு முக்கிய விஷயங்கள் குறித்து பேச வாய்ப்புள்ளதாக தகவல்கள் தெரிவிக்கின்றன.