பிரதமர் மோடிக்கு எதிராக எங்கெங்கு போராட்டம்?

சென்னை,

ஆர்ப்பாட்டங்கள் நடைபெறும் விவரம் வருமாறு:-

* சென்னை தெற்கு மாவட்ட தி.மு.க. செயலாளர் மா.சுப்பிரமணியன் எம்.எல்.ஏ. தலைமையில் தி.மு.க.வினர் மற்றும் தோழமை கட்சியை சேர்ந்தவர்களும் கருப்பு சட்டை அணிந்து கிண்டி போலீஸ் நிலையம் அருகே கண்டன ஆர்ப்பாட்டம் நடத்துகின்றனர். அப்போது 2 ஆயிரம் கருப்பு பலூன்களையும், ராட்சத பலூன்களையும் வானில் பறக்க திட்டமிட்டுள்ளனர்.

* சென்னை வடக்கு, மேற்கு, காஞ்சீபுரம், திருவள்ளூர் மாவட்டங்களை சேர்ந்த தி.மு.க.வினரும், தோழமை கட்சியினரும் ஆலந்தூர் மெட்ரோ ரெயில் நிலையம், கிண்டி கத்திப்பாரா ஆகிய இடங்களில் கருப்பு கொடி ஆர்ப்பாட்டம் நடத்துகிறார்கள்.

* சைதாப்பேட்டை கலைஞர் பொன் விழா வளைவு அருகே திராவிடர் கழக தலைவர் கி.வீரமணி தலைமையில் கருப்பு கொடி ஆர்ப்பாட்டம் நடக்கிறது.

* ம.தி.மு.க. பொதுச்செயலாளர் வைகோ தலைமையில் வேளச்சேரி சின்னமலை பூங்கா அருகே கருப்பு கொடி ஆர்ப்பாட்டம் நடைபெறும் என்று அறிவிக்கப்பட்டுள்ளது.

* திரைப்பட இயக்குனர் பாரதிராஜா தலைமையிலான தமிழர் கலை இலக்கிய பண்பாட்டு பேரவையை சேர்ந்தவர்கள் மீனம்பாக்கம் விமான நிலையம் அருகே கருப்பு கொடி ஆர்ப்பாட்டம் நடத்துகிறார்கள். இதில் நாம் தமிழர் கட்சி தலைமை ஒருங்கிணைப்பாளர் சீமான் உள்ளிட்டோர் பங்கேற்பார்கள் என்று எதிர்பார்க்கப்படுகிறது.

* தமிழக வாழ்வுரிமை கூட்டமைப்பு தலைவர் தி.வேல்முருகன் தலைமையில் ஆலந்தூர் மெட்ரோ ரெயில் நிலையம் அருகே ஆர்ப்பாட்டம் நடக்கிறது.

* மனிதநேய மக்கள் கட்சி சார்பில் விமான நிலையம் அருகே கருப்பு கொடியுடன் முற்றுகை போராட்டம் நடத்தப்படும் என்று அறிவிக்கப்பட்டுள்ளது.

* விவசாய சங்கங்கள், தமிழ் அமைப்புகள் உள்பட பல்வேறு அமைப்புகளும் கருப்பு கொடி போராட்டத்தில் ஈடுபடுகின்றனர்.

போலீசார் அனுமதி இல்லாமல் இந்த ஆர்ப்பாட்டங்கள் நடக்கிறது. ஆர்ப்பாட்டக்காரர்கள் சட்டம்-ஒழுங்கு பிரச்சினை ஏற்படும் வகையில் வன்முறை சம்பவங்களில் ஈடுபட்டால் அவர்கள் மீது கடும் நடவடிக்கை எடுக்கப்படும் என்று போலீசார் எச்சரித்துள்ளனர்.