லால்குடி அருகே உள்ள செம்பரை கிராமத்தை சேர்ந்தவர் பிரசாத் (வயது 30). மதுபழக்கம் உள்ள இவர் கடந்த 25-ந்தேதி எலிபேஸ்ட்டை தின்று விட்டு வீட்டில் மயங்கி கிடந்தார். இதை கண்ட குடும்பத்தினர் அவரை மீட்டு சிகிச்சைக்காக லால்குடி அரசு மருத்துவமனையில் சேர்த்தனர். பின்னர் மேல்சிகிச்சைக்காக திருச்சி அரசு ஆஸ்பத்திரியில் அனுமதிக்கப்பட்ட அவர் நேற்று சிகிச்சை பலன் இன்றி இறந்தார். இது குறித்த புகாரின் பேரில் லால்குடி போலீசார் வழக்குப்பதிவு செய்து விசாரணை நடத்தி வருகின்றனர்.
உப்பிலியபுரத்தை அடுத்த இ.பாதர்பேட்டை ஊராட்சி வெங்கட்டம்மாள்சமுத்திரம் வடக்கு தெருவைச் சேர்ந்தவர் குருநாதன். ஆழ்துளை கிணறு அமைக்கும் லாரி வைத்து நடத்தி வருகிறார். இவரது மகன் மனோஜ் (25). இவர் தந்தை நடத்திவரும் தொழிலுக்கு உதவியாக இருந்து வந்தார்.
இந்த நிலையில் கடந்த வாரம் புது வீடு கட்டி கிரகப்பிரவேசம் நடந்துள்ள நிலையில், அந்த வீட்டில் யாரும் இல்லாத போது மனோஜ் தூக்குப்போட்டு தற்கொலை செய்து கொண்டார். இது குறித்த புகாரின் பேரில் உப்பிலியபுரம் போலீஸ் சப்-இன்ஸ்பெக்டர் பிரகாஷ் வழக்குப்பதிவு செய்து விசாரணை நடத்தி வருகிறார்.