மணல் கடத்திய 2 பேரை போலீசார் கைது செய்தனர்.
சத்துவாச்சாரி போலீஸ் சப்-இன்ஸ்பெக்டர் பிச்சாண்டி மற்றும் போலீசார் ரோந்து பணியில் ஈடுபட்டனர். அப்போது சத்துவாச்சாரி தென்றல்நகர் பகுதியில் வந்த ஆட்டோவை மறித்து சோதனை செய்தனர். அதில் 10 மூட்டைகளில் மணல் கடத்தி வந்தது தெரியவந்தது. விசாரணையில் ஆட்டோவை ஓட்டி வந்தவர் சத்துவாச்சாரி பகுதி-2-ஐ சேர்ந்த பாபு மகன் விஜய் என்பதும் பாலாற்றில் இருந்து மணல் கடத்தி வந்ததும் தெரியவந்தது. இதையடுத்து போலீசார் அவரை கைது செய்து ஆட்டோவை பறிமுதல் செய்தனர்.
இதேபோல் பாலாற்றில் இருந்து மாட்டுவண்டியில் மணல் கடத்தி வந்த சைதாப்பேட்டையை சேர்ந்த சர்தார் (24) என்பவரை சத்துவாச்சாரி போலீஸ் சப்-இன்ஸ்பெக்டர் நாராயணன் கைது செய்து மாட்டு வண்டியை பறிமுதல் செய்தார்.