ஆயுதங்களை காட்டி வழிப்பறி செய்த 2 பேர் கைது

மதுரை அண்ணாநகர் பகுதியை சேர்ந்தவர் பாண்டியராஜன்(வயது 39). இவர் அண்ணாநகர் பகுதியில் நடந்து சென்றார். அப்போது வாலிபர் ஒருவர் அவரை வழிமறித்து கத்தியை காட்டி மிரட்டினார். பின்னர் அவரை தாக்கி அவரிடமிருந்து பணத்தை பறித்து கொண்டு தப்பி விட்டார். இதுகுறித்த புகாரின் பேரில் அண்ணாநகர் போலீசார் வழக்குப்பதிவு செய்து அண்ணாநகர் பெரியார் தெருவை சேர்ந்த மணிகண்டன்(34) என்பவரை கைது செய்தனர்.

அதேபோன்று உசிலம்பட்டியை சேர்ந்தவர் ராஜா(72). இவர் செல்லூர் கே.வி.சாலையில் நடந்து செல்லும்போது ஒருவர் பணம் கேட்டு மிரட்டினார். பின்னர் அவர் கத்தியை காட்டி ராஜாவிடமிருந்த பணத்தை பறித்து கொண்டு தப்பி சென்றார். இதுகுறித்து செல்லூர் போலீசார் வழக்குப்பதிவு செய்து செல்லூர், தத்தனேரியை சேர்ந்த புவனேஸ்வரன் (42) என்பவரை கைது செய்தனர்.