வெவ்வேறு இடங்களில் ரெயிலில் அடிபட்டு 2 பேர் சாவு

சூரமங்கலம்:

சேலம் கருப்பூர் அருகே ரெயில்வே தண்டவாள பாதையில் நேற்று 60 வயதுடைய ஒருவர் ரெயிலில் அடிபட்டு இறந்து கிடந்தார். தகவல் கிடைத்ததும் சேலம் ரெயில்வே போலீசார் விரைந்து சென்று அந்த நபர் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். மேலும் இறந்த முதியவர் யார்?, எந்த ஊரை சேர்ந்தவர்? என்பது குறித்து போலீசார் வழக்குப்பதிவு செய்து விசாரணை நடத்தினர்.

இதேபோல் விருதாசலம் அருகே புக்கிரவாரி- முகசாபரூர் ரெயில் நிலையங்களுக்கு இடையே 60 வயதுடைய ஒருவர் ரெயிலில் அடிபட்டு இறந்து கிடந்தார். அவரது உடலை சேலம் ரெயில்வே போலீசார் மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். தொடாந்்து இறந்தவர் குறித்து போலீசார் வழக்குப்பதிவு செய்து விசாரணை நடத்தினர்.