பாளையங்கோட்டையில் வெவ்வேறு இடங்களில் 2 ஆண் பிணம்

நெல்லை பாளையங்கோட்டை மார்க்கெட் பகுதியில் நேற்று முன்தினம் 50 வயது மதிக்கத்தக்க ஆண் ஒருவர் இறந்து கிடப்பதாக அந்த வழியாக சென்ற பொதுமக்கள் பாளையங்கோட்டை போலீசாருக்கு தகவல் கொடுத்தனர். அதன்பேரில் போலீசார் சம்பவ இடத்துக்கு சென்று உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். அதேபோல் நெல்லை- தூத்துக்குடி சாலையில் கோர்ட்டு அருகே இறந்து கிடந்த 60 வயது ஆண் ஒருவர் உடலையும் பாளையங்கோட்டை போலீசார் கைப்பற்றி பிரேத பரிசோதனைக்காக அனுப்பி வைத்தனர். இறந்த நபர்கள் யார்? எந்த ஊரை சேர்ந்தவர்கள்? என்பது குறித்து போலீசார் விசாரணை நடத்தி வருகின்றனர்.