வாலாஜா அருகே லாரி மோதி 2 பேர் பலி

லாரி மோதல்

திருத்தணியை அடுத்த டி.என்.ஆர்.கண்டிகை பாலாஜி நகரை சேர்ந்தவர் வெங்கடேசன் (வயது 42), பூலேரி கிராமத்தை சேர்ந்தவர் எபினேசன் (45). இவர்கள் இருவரும் சம்பவத்தன்று வாலாஜாவை அடுத்த மருதாலம் கூட்ரோடு பகுதியில் மோட்டார் சைக்களில் சோளிங்கர் நோக்கி சென்று கொண்டு இருந்தனர்.

அப்போது எதிரே வந்த லாரி மோதியதில் இருவரும் பலத்த காயமடைந்தனர். உடனடியாக அவர்கள் இருவரும் வாலாஜா அரசு மருத்துவமனையிலும் பின்னர் பூட்டுதாக்கில் உள்ள தனியார் மருத்துவமனையிலும் சேர்க்கப்பட்டனர்.

2 பேர் சாவு

அங்கு சிகிச்சை பெற்று வந்த இருவரும் சிகிச்சை பலனின்றி இறந்தனர். இதுகுறித்து தகவல் அறிந்ததும் வாலாஜா போலீசார் வழக்கு பதிவு செய்து விசாரணை நடத்தி வருகின்றனர்.