தூத்துக்குடியில் தொழிலாளியை மிரட்டிய 2 பேர் கைது

ஸ்பிக்நகர்:

தூத்துக்குடி அருகே உள்ள முத்தையாபுரம் தங்கமணிநகர் 4-வது தெருவைச் சேர்ந்தவர் கணேசன். இவரது மகன் இசக்கிமுத்து (வயது 35). தொழிலாளி. இவர் முத்தையாபுரம் பகுதியில் நடந்து சென்று கொண்டிருந்தபோது, அங்கு வந்த தெர்மல் நகர் கேம்ப்-1 பகுதியை சேர்ந்த மோகன் மகன் பரத் (20), முத்தையாபுரம் தோப்பு தெருவைச் சேர்ந்த ஜெயமுருகன் மகன் கார்த்திக் (21) ஆகியோர் மது குடிப்பதற்கு பணம் கேட்டுள்ளனர். அதற்கு இசக்கிமுத்து தன்னிடம் பணம் இல்லை என்று கூறியுள்ளார். இதனால் அவர்களுக்குள் தகராறு ஏற்பட்டது. அப்போது அந்த பகுதியில் ஆட்கள் வந்ததால், இசக்கிமுத்துவுக்கு கத்தியை காட்டி கொலை மிரட்டல் விடுத்து சென்றனர். இது குறித்த புகாரின் பேரில் முத்தையாபுரம் போலீஸ் சப்- இன்ஸ்பெக்டர் மகாராஜன் வழக்குப்பதிவு செய்து பரத், கார்த்திக் ஆகிய 2 பேரையும் கைது செய்தார்.