ஜன்னல் கம்பிகளை திருடிய 2 பேர் கைது

பந்தலூர், 

பந்தலூர் அருகே தேவகிரியில் வசித்து வருபவர் ஷாஜகான். இந்தநிலையில் அவரது பழைய வீட்டில் இருந்த ஜன்னல் கம்பிகளை மர்ம நபர்கள் திருடி சென்றனர். இதுகுறித்து ஷாஜகான் தேவாலா போலீஸ் நிலையத்தில் புகார் அளித்தார். தொடர்ந்து போலீஸ் சப்-இன்ஸ்பெக்டர் சங்கர் மற்றும் போலீசார் மர்ம நபர்களை தேடி வந்தனர். விசாரணையில் ஜன்னல் கம்பிகளை திருடியது அம்மன்காவு பகுதியை சேர்ந்த ஜெயபிரகாஷ் (வயது 44), விஜயன் (42) ஆகிய 2 பேர் என்பது தெரியவந்தது. தொடர்ந்து 2 பேர் மீது வழக்குப்பதிவு செய்து போலீசார் கைது செய்தனர்.