தொழிலாளியிடம் செல்போன் பறித்த 2 பேர் கைது

சூரமங்கலம்:-

சேலம் மாமாங்கம் பகுதியை சேர்ந்தவர் ராஜூ (வயது 49), கூலி தொழிலாளியான இவர், மூலக்கடை பஸ் நிறுத்தம் அருகில் நடந்து சென்ற போது அந்த வழியாக வந்த 2 பேர், அவரை வழிமறித்து மிரட்டி செல்போன், ரூ.1,350-ஐ பறித்து சென்றனர். இதுகுறித்த புகாரின் பேரில் சூரமங்கலம் போலீசார் வழக்குப்பதிவு செய்து விசாரணை நடத்தினர். அப்போது ராஜூவிடம் செல்போன், பணம் பறித்ததாக சேலம் நரசோதிப்பட்டியை சேர்ந்த தட்சணாமூர்த்தி, 5 ரோடு ஸ்டேட் பேங்க் காலனியைச் சேர்ந்த வசந்த் ஆகிய இருவரையும் போலீசார் கைது செய்தனர்.