ரூ.15¼ லட்சத்துக்கு தேங்காய் பருப்பு ஏலம்

பரமத்திவேலூர்

தேங்காய் பருப்பு

பரமத்தி வேலூர் வெங்கமேட்டில் உள்ள மின்னணு தேசிய வேளாண்மை சந்தையில் தேங்காய் பருப்பு ஏலம் நடைபெற்றது. சுற்று வட்டார பகுதிகளில் விளையும் தேங்காய்களை உடைத்து அதை உலர்த்தி விவசாயிகள் வியாழக்கிழமை தோறும் பரமத்தி வேலூர் வெங்கமேட்டில் உள்ள பரமத்தி வேலூர் மின்னணு தேசிய வேளாண்மை சந்தைக்கு கொண்டு வருகின்றனர்.

இங்கு தரத்திற்கு ஏற்றார் போல் மறைமுக ஏலம் விடப்படுகிறது. கடந்த வாரம் நடைபெற்ற மின்னணு ஏலத்திற்கு 19 ஆயிரத்து 489 கிலோ தேங்காய் பருப்பை விவசாயிகள் கொண்டு வந்திருந்தனர்.

ரூ.15 லட்சத்துக்கு விற்பனை

இதில் அதிகபட்சமாக கிலோ ஒன்று ரூ.77.79-க்கும், குறைந்தபட்சமாக ரூ.68.99-க்கும், சராசரியாக ரூ.74.71-க்கும் ஏலம் போனது. மொத்தம் ரூ.15 லட்சத்து 64 ஆயிரத்து 230-க்கு ஏலம் நடைபெற்றது. இதையொட்டி நேற்றுமுன்தினம் நடைபெற்ற ஏலத்திற்கு 21 ஆயிரத்து 735 கிலோ தேங்காய் பருப்பு கொண்டு வரப்பட்டிருந்தது.

இதில் அதிகபட்சமாக கிலோ ஒன்று ரூ.76.19-க்கும் குறைந்தபட்சமாக ரூ.55.10-க்கும், சராசரியாக ரூ.73.91-க்கும் ஏலம் போனது. மொத்தம் ரூ.15 லட்சத்து 21 ஆயிரத்து 450-க்கு ஏலம் நடைபெற்றது.