சேலம் வழியாக கேரளா சென்ற ரெயிலில் 13 கிலோ கஞ்சா பறிமுதல்

சூரமங்கலம்:

ஜார்கண்ட் மாநிலம் தன்பாத்தில் இருந்து சேலம் வழியாக கேரள மாநிலம் ஆலப்புழா செல்லும் தன்பாத்-ஆலப்புழா எக்ஸ்பிரஸ் ரெயிலில் (வண்டி எண் 13351)சேலம் ரெயில்வே போலீசார் சோதனை நடத்தினர். எஸ்-4 பெட்டியில் கேட்பாரற்று கிடந்த பையை சோதனை செய்தனர். அப்போது அதில் 4 பண்டல்களில் சுமார் 8 கிலோ கஞ்சா இருந்தது தெரியவந்தது. இதே போல் முன்பதிவில்லா பெட்டியில் கழிவறை அருகே கேட்பாரற்று கிடந்த பையில் 5 கிலோ கஞ்சா இருந்தது. இதையடுத்து ரெயில்வே போலீசார் 13 கிலோ கஞ்சாவை பறிமுதல் செய்து,சேலம் ெரயில்வே போலீஸ் நிலையத்தில் ஒப்படைத்தனர். இதையடுத்து ெரயில்வே போலீசார் வழக்குப்பதிவு செய்து ரெயிலில் கஞ்சாவை கடத்தியது யார்? என்பது குறித்து விசாரணை நடத்தி வருகின்றனர்.